لمه ادير روحك راجل

الجو باهي ؟


تعالى انت وياه خلي انوريكم كيف لمه تبي ادير روحك راجل, بنحكي على لقطات صارت معاي اني deal




في البدايات عندما كنت اتعلم سواقة السيارات, جي واحد صاحبي لحوشنا بيتغده عندي , اتسبلت قتله ترا مفتاح السيارة بنجيب مشروب رغم انه واضح المشروب في الجنان موجود , خديت السيارة و بديت في التمتيع , و اماله اندير فرينو مانو في سرعة غير معروفة المصدر و طفففففففففففف في الحيط , ادمرت السيارة cry



بعد ما بديت انسوق و الامور تمام , في ليلة خميس , اندور في الملهاد زي كل الكتاكيت , اجتازني واحد نعرفه قلت بنلحقه نبيه في حاجه, و اماله نركب فوق المرشبيدي على اساس حرنيف و على اساس النافوسي شي قدام و اماله تهرب مني السيارة و اتخش في سيارة مدرسه و ادمرت السيارة و ادي انكسرت cry


في طريق حداش يونيو نجري بسياره ما فيهاش فرينوات , و صدفه نلقى شيباني في نص الطريق , قمته معاي و خلاص cry لكن الحمد لله ما ماتش يعطيه الصحه cry


مره اهني في البلاد اللي اني فيها deal في ليله ممطره , ناضت الهبله نبي انمتع السياره , ما تشوفو اللا سياره ماشيه بالعرض يمين اسار يمين اسار لين في لقطه معاش قدرت نتحكم فيها , النتيجه : دمرت 3 سيارات امدرسات و نزلت بالو cry


مره في نفس المكان , الموبيل طاح جيهت الشراطوري , طبست بنقيمه و السياره ماشيه , لمه ارفعت راسي القيت روحي صار اتحاد بين سيارتي و سياره قدامي cry


مره اوقفو فيا مركز غوط الشعال , فتحت الروشن قتلهم الحقوني , لحقوني , نجري و هما يجرو لين اوصلت في مطب , هوا مش مطب هوا ديناصور متكي , تتلوح السياره و ضربت الحيوط كلها و انطبيت cry


و اخيرا و ليس اخرا , مره ماشي نجري على اساس بنمشي للكفي اللي يخدم فيها الديب , طلع فوندو جديد في عمر المختار انطبقت العجله , كملت مشيت للديب و العجله مطبوقه و روحت لحي الاندلس برضو بالعجله مطبوقه على اساس راجل , بعدها السياره معاش صار منها تبي طروف بي 4000 جنيه cry



و هدا لمه ادير روحك راجل, كان عندكم حجات مشابها خلي انشوفو , هاتو ما عندكم cry

حتى انى مرة صارلى موقف حلو المهم طالع من الحوش ماشى للمدرسة فجاءة طلب من شخص انى انساعده فى مشكلة صوتية بالسيارة يعنى المسجل بايز على قولة المصاروة المهم صلحتله المسجل طبعا كلكم تبو تعرفو كيف المسجل اتصلح مش حنقوللكم لانى مش فاضى عندى مدرسة لما نرجع انقوللهم و للاهمية المسجل كان انتاج شركة بايونير